Бөлімше меңгерушісі
Калиев Рымбай Болатович

Қосалқы қанайналымы зертханасы бар операциялық бөлімше халыққа кардиохирургия саласында мамандандырылған және жоғары мамандандырылған медициналық көмек көрсетеді.

Бөлімнің негізгі міндеттері:

1) кардиохирургиялық бөлімшелер арасында операциялық процесті үйлестіру, үздіксіз жұмысты ұйымдастыру;

2) жүрек аурулары бар халыққа жоғары білікті жоспарлы және шұғыл хирургиялық көмекті ұйымдастыру және көрсету;

3) бөлімше қызметкерлерінің ауруханаішілік жұқтырудың және операциядан кейінгі іріңді-септикалық асқынулардың алдын алу және ескерту жөніндегі іс-шаралар кешенін жүзеге асыруы;

4) жүрекке және магистральдық тамырларға кардиохирургиялық операцияларды орындау кезінде жасанды қанайналымын жүргізу;

5) операциядан кейінгі ерте кезеңде жіті жүрек тамыр жеткіліксіздігі бар пациенттерде қосалқы қанайналымын ұйымдастыру және қолдау;

6) кардиохирургиялық операциялар кезінде аутоқанды жинау, өңдеу және трансфузиялау;

Бөлімше қызметі:

1) қолданыстағы нормативтік-құқықтық актілердің, Қоғамның ішкі құжаттарының және халықаралық стандарттардың талаптарын ескере отырып, халыққа мамандандырылған және жоғары білікті кардиохирургиялық көмек көрсету;

2) мамандандырылған және жоғары білікті медициналық көмек көрсетудің жаңа әдістерін әзірлеу мақсатында ғылыми-зерттеу жұмыстарын жүргізуге қатысу, клиникалық және ғылыми деректерді қорыту;

3) экстракорпоралдық қанайналымы саласында халыққа емдеу-диагностикалық көмек көрсету мәселелері бойынша денсаулық сақтау саласының нормативтік-құқықтық базасын әзірлеуге және жетілдіруге қатысу;

4) JCI халықаралық аккредиттеу шеңберінде алдыңғы қатарлы медициналық технологияларды, халықаралық сапа және қауіпсіздік стандарттарын енгізуге қатысу.